Испания терма жамоаси бош мураббийи Луис Энрике Хорватияга қарши Евро-2020нинг 1/8 финалидан кутаётганлари билан ўртоқлашди.
"Биз каби жамоа учун майдоннинг маркази жуда муҳим. Агар биз белгиланган ишни ўрта чизиқда бажармасак, демак биз энди ўзимизга ўхшамаган бўламиз. Аммо бу ҳолатда гап нафақат бизда, Хорватия ҳақида ҳам айтиш мумкин. Бу ўйинда вазиятни бошқариш учун курашни кўрамиз. Биз хорватиялик футболчиларни жуда яхши биламиз”, - дейди Энрике.
Маълумот учун, Хорватия - Испания учрашуви 28-июн куни Копенгагенда бўлиб ўтади. Ўйин Тошкент вақти билан соат 21:00да бошланиши режалаштирилган.
