"Вулверхэмптон"нинг собиқ устози Нуну Эшпирито Санту "Тоттенхэм" мураббийи бўлишликдан бош тортди ва у "Фенербахче" мураббийи бўлишга қарор қилди, деб хабар беради Radyo Gol.
Манба хабарига кўра, инглиз клуби Нуну билан бир мунча вақт музокара олиб борган, аммо рад жавоби олган. Таъкидлаш жоизки, "Тоттенхэм" мураббийи бўлишни аллақачон тўққизта мураббий рад этган.
47 ёшли Нуну 2017-йилдан 2021-йилгача "Вулверхэмптон"ни бошқарган. У илгари "Рио Аве", "Валенсия" ва "Порту "билан ишлаган.