Бельгия терма жамоаси устози Роберто Мартинес яримҳимоячилар Эден Азар ва Кевин Де Брюйненинг соғлиғи ҳақидаги маълумотлар билан ўртоқлашди.

Иккала футболчи ҳам 1/8 финал доирасида Португалия билан баҳсда (1:0) жароҳат олишган эди.

«Эден ва Кевин ҳозир яхши аҳволда. Улар Италия билан ўйин учун таркибда бўлишади. Уларнинг жароҳати у қадар жиддий эмас.

Мен уларни учрашувга юз фоиз тайёр бўлади деб айта олмайман, аммо уларнинг потенциали бунга етарлича», - дея Мартинеснинг сўзларини келтирган Бельгия терма жамоаси матбуот хизмати.

Бельгия - Италия учрашуви 2 июль, жума куни бўлиб ўтади. Учрашув Тошкент вақти билан соат 00:00да бошланиши режалаштирилган.