Аргентина терма жамоаси ҳужумчиси Серхио Агуэро Америка Кубоги баҳсида Боливияга қарши ўйнади (4:1). Ушбу ўйин унинг учун терма жамоа либосидаги 100-ўйин бўлди. Аргентина терма жамоаси таркибидаги ўйинлар сони бўйича "Барселона" ҳужумчиси тарихдаги еттинчи ўйинчи ҳисобланади.

У Жаҳон чемпионатида 12 та ўйинда (2 та гол), Америка кубогида 23 та (9 та гол), Жаҳон чемпионати саралашида 28 та (9 та гол), 37 та ўртоқлик учрашувларида (21 та гол) қатнашган. Агуэро Аргентина таркибида 61 марта асосий таркибда ва 38 ўйинда захираданмайдонга тушган. Ҳужумчи жами 5460 дақиқа ўйнади ва ҳар бир ўйинда ўртача 0,41 гол урди.