Франция футбол федерацияси президенти Ноэл Ле Грей Швейтцариядан Евро-2020 1/8 финалида мағлуб бўлганидан сўнг бош мураббий Диде Дешамнинг келажаги ҳақида ўз фикрлари билан ўртоқлашди:
"У менга ўхшаб ўйлаб кўриши керак. Биз федерациядан ташқарида бирон жойда учрашамиз, унинг мотивацияси ва истакларини англаш учун бир кунни бирга ўтказамиз.
Унинг қилган барча ишларидан кейин ёмон муносабатда бўлишни хоҳламайман. Гап 2018 йилги Жаҳон чемпионатида бизни ғалабага етаклаган инсон ҳақида кетмоқда.
Кутаман, у билан сўнгги турнир ва футбол ҳақида суҳбатлашаман. У ўзини қандай ҳис қилаётганини кўришни истайман. Худди шу нарса менга ҳам тегишли", - деди Ле Грей.
Аввалроқ, Дешам Франция терма жамоаси бош мураббийи лавозимидан кетмоқчи эмаслиги ҳақида хабарлар тарқалган эди.
