Fransiya futbol federasiyasi prezidenti Noel Le Grey Shveytsariyadan Yevro-2020 1/8 finalida mag‘lub bo‘lganidan so‘ng bosh murabbiy Dide Deshamning kelajagi haqida o‘z fikrlari bilan o‘rtoqlashdi:
"U menga o‘xshab o‘ylab ko‘rishi kerak. Biz federasiyadan tashqarida biron joyda uchrashamiz, uning motivasiyasi va istaklarini anglash uchun bir kunni birga o‘tkazamiz.
Uning qilgan barcha ishlaridan keyin yomon munosabatda bo‘lishni xohlamayman. Gap 2018 yilgi Jahon chempionatida bizni g‘alabaga yetaklagan inson haqida ketmoqda.
Kutaman, u bilan so‘nggi turnir va futbol haqida suhbatlashaman. U o‘zini qanday his qilayotganini ko‘rishni istayman. Xuddi shu narsa menga ham tegishli", - dedi Le Grey.
Avvalroq, Desham Fransiya terma jamoasi bosh murabbiyi lavozimidan ketmoqchi emasligi haqida xabarlar tarqalgan edi.
