Англия миллий жамоаси ҳимоячиси Ҳарри Магуайр Евро-2020 чоракфинали доирасидаги Украинага қарши ўйин олдидан фикрлари билан ўртоқлашди.

«Украина қандай савиядаги жамоа экани чоракфиналгача етиб келганидан ҳам маълум. Бу жамоанинг ҳужум чизиғидаги Ярмоленко таркибдаги энг хавфли ўйинчилардан бири. Уни «Вест Ҳэм»даги ўйинлари орқали биламан. Шу боис рақиб жамоани кучли интизом билан ўйнайдиган жамоа дейиш мумкин.

Ўйин Лондонда эмас, Римда бўлаётгани катта аҳамият касб этмайди. Нисбатан тинчроқ ўтадиган ўйин. «Уэмбли»даги атмосфера ажойиб эди, бу ҳар қандай ўйинчини руҳлантиради. Умид қиламанки, яримфинал учун яна «Уэмбли»га қайта оламиз», - дейди Ҳарри Украинага қарши баҳсдан олдин.

Маълумот учун, Украина – Англия баҳси бугун, 3 июль куни Римда ўтказилади. Баҳс соат 23:59да бошланади.