"Манчестер Юнайтед" "Интер" жамоасининг хорватиялик ярим ҳимоячиси Марцело Брозовичга қизиқиш билдирмоқда, дея хабар бермоқда La Repubblica.
Манбага кўра, инглиз клуби ёзги трансфер ойнасида футболчи сотиб олмоқчи ва у учун 30 миллион евро тўлашга тайёр. Ярим ҳимоячининг "Интер" билан шартномаси бир йилдан сўнг тугайди, шу сабабли клуб уни сотишга рози бўлиши мумкин. Олдинроқ Хорватга "Барселона" қизиқиш билдираётгани ҳақида хабар берилган эди.
Ўтган мавсум 28 ёшли Брозович "Интер" таркибида барча турнирларда 42 ўйин ўтказиб, иккита гол ва 7 та голли пас берди.
