Суперлиганинг 12-туридан ўрин олган «Сурхон» - «Бунёдкор» (1:5) учрашувидан кейин меҳмонлар устози Шуҳрат Мақсудов ўз фикрлари билан ўртоқлашди.
- Авваламбор «Бунёдкор» жамоаси раҳбарияти, мухлислари, ходимлари, футболчиларни бугунги ғалаба билан табриклайман! Айниқса ўйинчиларга раҳмат айтаман! Боиси, йигитлар мураббийлар штаби томонидан берилган кўрсатмаларни тўлиқ бажаришди. Таътилга яхши кайфиятда йўл оладиган бўлдик.
Футболчилар билан «Сурхон» жамоасини ўйинини кўриб, ўрганиб чиққандик. Бугунги рақибимизнинг «Қизилқум» билан ўйини менга ёққан эди. Менсимаслик ҳақида гап йўқ. Ҳамма жамоа ҳурмат қилинади. Бугунги ғалаба футболчиларники, улар бунга ҳақли равишда эришди.
Сўзим якунида АГМК футбол клубига майдонни бизга яхши ҳолатда тайёрлаб бергани учун миннатдорчилик билдираман!
