«Рома» бош мураббийи Луис Энрике жамоа ярим ҳимоячиси Даниеле Де Росси билан шартнома узайтирилганини изоҳларкан, Италия терма жамоаси аъзоси яқин келажакда пойтахт клубининг энг муҳим ўйинчиларидан бирига айланишига ишонч билдирди. Бу ҳақда «La Gazzetta dello Sport» хабар бермоқда.
Ўтган ҳафта римликлар раҳбарияти Де Росси билан янги келишувга эришган ва унга кўра футболчи янги беш йиллик шартномага имзо чекканди. Унга кўра, футболчининг йиллик маоши ўртача 10 миллион еврога тенг бўлади.
«Де Росси — «Рома»даги энг асосий ўйинчидан бири, келажакда ундан умидим катта. Биз барчамиз ушбу шартноманинг имзоланишини кутган эдик», деди «Рома» бош мураббий Луис Энрике.