Америка кубоги мусобақасида дастлабки финалчининг номи аниқ бўлди. Ярим финал доирасида Бразилия терма жамоаси Перу билан тўқнаш келиб, кичик ҳисобда ғалаба қозонди.

Учрашувдаги ягона гол Лукас Пакета ҳисобига ёзилди. Неймар рақибнинг икки футболчисини алдаб ўтиб, жамоадошини деярли бўш дарвоза қаршисига чиқарди.

Перу эса иккинчи бўлимда фаолликни ошириб, Бразилияни анча асабийлашишга мажбур қилди. Мезбонлар прагматик ўйин намойиш этиб, ғалабани сақлаб қолишди.

Аргентина ва Колумбия ўртасидаги иккинчи ярим финал баҳси Тошкент вақти билан эртага тонгда бўлиб ўтади.

Америка кубоги, ярим финал
Бразилия – Перу 1:0 (1:0, 0:0)
Гол: 1:0 – 35 Лукас Пакета.
Бразилия – Эдерсон, Данило, Маркиньос, Тиаго Силва, Лоди (Милитао, 85), Каземиро, Фред (Фабиньо, 85), Эвертон (Эвертон Рибейро, 70), Лукас Пакета (Дуглас Луис, 90), Неймар, Ришарлисон (Винисиус Жуниор, 85).
Перу – Гальесе, Корсо (Лора, 75), Сантамария, Рамос (Гарсия, 46), Кальенс, Трауко (Лопес, 46), Пенья, Тапия (Тавара, 89), Йотун, Куэва (Орменьо, 81), Лападула.
Огоҳлантиришлар: Йотун (56), Винисиус Жуниор (89), Лопес (90).