Amerika kubogi musobaqasida dastlabki finalchining nomi aniq bo‘ldi. Yarim final doirasida Braziliya terma jamoasi Peru bilan to‘qnash kelib, kichik hisobda g‘alaba qozondi.

Uchrashuvdagi yagona gol Lukas Paketa hisobiga yozildi. Neymar raqibning ikki futbolchisini aldab o‘tib, jamoadoshini deyarli bo‘sh darvoza qarshisiga chiqardi.

Peru esa ikkinchi bo‘limda faollikni oshirib, Braziliyani ancha asabiylashishga majbur qildi. Mezbonlar pragmatik o‘yin namoyish etib, g‘alabani saqlab qolishdi.

Argentina va Kolumbiya o‘rtasidagi ikkinchi yarim final bahsi Toshkent vaqti bilan ertaga tongda bo‘lib o‘tadi.

Amerika kubogi, yarim final
Braziliya – Peru 1:0 (1:0, 0:0)
Gol: 1:0 – 35 Lukas Paketa.
Braziliya – Ederson, Danilo, Markinyos, Tiago Silva, Lodi (Militao, 85), Kazemiro, Fred (Fabinyo, 85), Everton (Everton Ribeyro, 70), Lukas Paketa (Duglas Luis, 90), Neymar, Risharlison (Vinisius Junior, 85).
Peru – Galyese, Korso (Lora, 75), Santamariya, Ramos (Garsiya, 46), Kalyens, Trauko (Lopes, 46), Penya, Tapiya (Tavara, 89), Yotun, Kueva (Ormenyo, 81), Lapadula.
Ogohlantirishlar: Yotun (56), Vinisius Junior (89), Lopes (90).