Ярим ҳимоячи Матеус Фернандес "Барселона" билан шартномани бекор қилганидан норози.
Мarca нашрининг хабар беришича, 23 ёшли футболчи клубни судга бермоқчи, чунки у каталонияликлар меҳнат муносабатларини бузишга шошилди ва адолатсиз ҳаракат қилди, деб ҳисоблайди.
Футболчини яқинларининг хабар қилишича, Матеусга бошқа жамоалардан таклифлар бўлган, аммо каталонияликлар бу таклифларни рад этиб, футболчи билан шартномани бекор қилган.
Фернандез 2020-йил қишда "Палмейрас"дан "Барселона"га 7 миллион евро эвазига ўтган эди, потенциал бонуслар сифатида эса 3 миллион евро кутилган эди. Трансфердан сўнг Матеус испан жамоаси сафида атиги 17 дақиқа майдонда ҳаракат қилди.
