5 июлдан эътиборан Ўзбекистон профессионал футбол лигаси ёзги трансфер ойнасини очди. Мазкур жараён шу ойнинг сўнгги кунигача давом этади.

«Биринчи давра мобайнида бир қатор ўйинчилари – Никита Павленко, Евгений Макеев, Евгений Чумак ва Андрей Шипилов билан хайрлашган «Металлург» клуби ўз сафини кучайтиришни бошлади. Бекобод клуби ёзги трансфер ойнасининг биринчи куниёқ янги ўйинчиларни ўз сафига қўшиб олди. Булар «Бунёдкор» футболчиси Иброҳим Ибрагимов ҳамда Россиянинг «Нефтехимик» клубининг ўзбекистонлик ўйинчиси Бобур Давлатов», - дея ёзади клуб расмий сайти.

Шунингдек, икки нафар ўйинчи ижарадан ортга қайтган. Биринчи даврани «Андижон»да ўтказган Муҳаммад Исаев ва «Нефтчи»да фаолият юритган Худойшукур Сатторовлар ҳам қадрдон жамоасига қайтган.

Маълумот учун, «Металлург» Суперлига 12-туридан кейин 16 очко билан 7-ўринда бормоқда.