Миланнинг «Интер» клуби яримҳимоячи Стефано Сенсини сотиш тўғрисидаги фикрларини ўзгартирди. Бу ҳақда Италия ОАВ хабар бермоқда.
Олдин Сенсининг ушбу ёзда Сан-Сиродан кетиши кутилганди. Аммо, энди «нерадзуррилар»нинг янги устози Симоне Индзаги 2021/2022 йилги мавсумда Сенсига умид боғламоқда.
Эслатиб ўтамиз, ўтган мавсум тугагандан сўнг бош мураббий Антонио Конте «Интер» сафини тарк этди. Бунга унинг раҳбарият билан келишмовчиликлар туфайли келиб чиққан низоси сабаб бўлди.
Унинг ўрнини «Лацио»нинг собиқ устози Симоне Индзаги эгаллади.