«Интер» ва Аргентина терма жамоаси собиқ ҳимоячиси Николас Бурдиссо «Фиорентина»га кўчиб ўтди. Бу ҳақда «бинафшалар» матбуот хизмати хабар бермоқда.
Бурдиссо Флоренцияда клубнинг техник директори вазифасига кўтарилди. Илгари у Аргентинанинг «Бока Хуниорс» жамоаси спорт директори сифатида ишлаган эди.
Эътиборлиси, Бурдиссо футболчилик фаолиятининг кўп қисмини Италияда ўтказган. У «Интер» дан ташқари «Рома», «Женоа» ва «Торино» клублари шарафини ҳимоя қилган.