"Барселона" ҳомийси бўлган Rakuten асосчиси Хироши Микитани каталон клубининг француз футболчилари Aнтуан Гризманн ва Усмон Дембеле билан бўлган ирқчилик можаросига изоҳ берди.

"Барселона" ҳомийси сифатида мен жамоа футболчилари ўзларига бундай баёнотларга йўл қўйганидан афсусдаман. Бу Rakuten "Барселона"га ҳомий бўлганидан бери қабул қилиниши мумкин эмас. Биз бу борада уларнинг фикрларини билиш учун клуб раҳбариятига норозилик билдирамиз", деб ёзди Микитани твиттерда.

Эслатиб ўтамиз, Дембеле ва Гризманн иштирокидаги видео ижтимоий тармоқларда тарқалганди. Кадрларда футболчилар меҳмонхонадаги хонада телевизорларини тузатаётган осиёлик ишчиларни ҳақорат қилаётгани акс этган.