Англия Евро-2020 ярим финалида Данияни 2: 1 ҳисобида мағлуб этди. Ҳал қилувчи гол 104-дақиқада Харри Кейн томонидан урилди. Англиялик форвард 11 метрлик жаримани голга айлантира олмади, бироқ қайтган тўпни дарвозага жойлаб қўйди.
«Арсенал» нинг собиқ устози Арсен Венгер данияликлар дарвозасига белгиланган пенальти нотўғри бўлганлиги ҳақида фикр билдирди.
"Бу пенальти эмас ва нима учун ВАРдаги ҳакамлар бош ҳакамдан эпизодни ўзи томоша қилишни сўрамаганини тушунмаяпман. Бундай муҳим дақиқаларда ҳакам ўз қарорига ишониши керак", - деди собиқ "Арсенал" устози.
Эслатиб ўтамиз, Данияни мағлуб этган Англия терма жамоаси ўз тарихида биринчи марта Европа чемпионати финалига чиқди.
