Ўзбекистон терма жамаоси ва Тошкентнинг «Пахтакор» клуби собиқ бош мураббийи Самвел Бабаян Наманганнинг «Навбаҳор» клубида иш бошлаши мумкин. Бу ҳақида «Инсайдер» телеграм канали хабар тарқатмоқда.
Манбада келтирилишича, кеча мураббий ва клуб ўртасида музокараларлар бўлиб ўтган ва Самвел Бабаян «Навбаҳор» раҳбарияти ва Наманган вилоят ҳокимидан таклифни ўйлаб кўришга 1-2 кун вақт олган.
Бугун ё эртага Бабаян аниқ қарорини айтиши кутилмоқда.
Шунингдек, айтилишича, Бабаян хориж клубларининг биридан ҳам таклиф кутаяпти. Бироқ хорижга кетиши чўзилаётгани учун якуний қарор «Навбаҳор» фойдасига ҳал бўлиш эҳтимоли ҳам йўқ эмас. Аммо Бабаян сўнгги 1 йилликда хорижга кетиш ниятида ўзбек жамоаларининг бир қанча таклифларини рад этган.
Бабаян «Навбаҳор» бош мураббийига айланадими ёки йўқ буни яқин вақтлар ичида расмий хабар ё жимлик орқали билиб қоламиз, деб қўшимча қилинади телеграм каналда.
