Италия терма жамоаси ҳимоячиси Жоржио Кьеллини "Скуадра Адзурра" Европа чемпионати финалида тўқнаш келадиган Англия таркибининг кучини юқори баҳолади.
"Англияда Кейндан ташқари уларнинг иккала қанотида ҳам ажойиб ўйинчилар бор, захира ўйинчилари эса ҳар қандай жамоани кучайтириши мумкин. Жек Грилиш, Жейдон Санчо, Маркус Рэшфорд, Доминик Калверт-Люн, Фил Фоден ... ва "Ливерпуль" сардори Жордан Хендерсон каби футболчилар захира ўриндиғида. Умуман олганда, Англия ниҳоятда кучли жамоа. Кейнни ушлаб туриш қийин, ниҳоятда қийин бўлади. Унинг Англия терма жамоасидаги дастлабки ўйинларидан бирини эслайман - биз ўшанда Туринда ўйнаганмиз. Ўшанда ҳам у менда яхши таассурот қолдирганди. У боши ва оёқлари билан гол уради, узоқ масофадан аниқ зарба бера олади", - дея УЕФА расмий сайти футболчининг сўзларини келтиради.
Италия - Англия учрашуви 11 июл якшанба куни бўлиб ўтади. Бошланиши Тошкент вақти билан 00:00 да.
