«Челси» ярим ҳимоячиси Жоржиньонинг агенти Жоау Сантос футболчининг трансфер қийматини айтиб ўтди.
«Агар, Жоржиньони сотиб олмоқчи бўлган клублар бўлса, унинг нархи тахминан 50 миллион еврони ташкил этади. Аммо, яқин келажакдаги вазифамиз - Марина Грановская билан «Челси» билан шартномасини узайтириш борасида суҳбатлашиш. Менга аллақачон бошқа клублардан бир нечта қўнғироқлар бўлган. Эҳтимол, бу Жоржиньонинг карьерасидаги энг муҳим танлов бўлади», - дея агентининг сўзларини келтиради AS нашри.
Эслатиб ўтамиз, 29 ёшли ярим ҳимоячининг Лондон клуби билан амалдаги шартномаси 2023 йил июнигача мўлжалланган.
