Италия терма жамоаси ҳимоячиси Жорджо Кьеллини Англияга қарши Евро-2020 финали олдидан рақиб ҳужумчиси Харри Кейн ҳақида фикр билдирди.
«Харри Кейнга қарши биринчи марта ўйнаган пайтим ҳали ҳам эсимда - бу ўртоқлик учрашуви эди. Ўшанда у ўзининг турли маҳоратлари орқали мени ҳайратга солганди.
Харри техник томондан жуда ҳам пухта, у узоқдан кучли ва аниқ зарба йўллай олади, ҳавода ҳам яхши ҳаракат қилади. Шундан сўнг мен унинг ўйинларига тан берганман ва мен ҳақиқатан ҳам унинг ашаддий мухлисиман.
Фабио Паратичидан сўрашингиз мумкин, мен уни А Серияда кўришни хоҳлаганман, у сўнгги йилларда Кейн ҳақида қанча гаплашганимизни ҳисобга олиб буни тасдиқлайди. Бундай даражадаги ҳужумчиларга қарши ўйнаш ҳар доим ёқимли», - дейди Кьеллини.
