Фарғонанинг «Нефтчи» клуби Навоийнинг «Қизилқум» клуби собиқ футболчиси Ойбек Қиличев ва сербиялик футболчи Александр Ешич билан шартнома имзолади. Бу ҳақда клуб матбуот хизмати хабар берди.
Маълумот ўрнида, Ойбек Қиличев 1989 йилда Жиззах вилоятининг Зафаробод туманида таваллуд топган. Амплуаси ярим ҳимоячи. Шу кунгача Суперлиганинг «Навбаҳор»,« Андижон »,« Локомотив», «Пахтакор» ва «АГМК» клубларида фаолият юритган. Футболчи фарғоналиклар сафига қўшилишидан олдин биринчи даврани Навоийнинг «Қизилқум» жамоасида ўтказиб, 10 та учрашувда майдонга тушган ва 2 та гол муаллифига айланган.
Ешич 1994 йилда Сербиянинг Горньи Милановац шаҳрида таваллуд топган. Амплуаси ярим ҳимоячи. Фаолияти давомида "Борац Чачак"," ОФК Белград "," Вождовац" ва "Металац" каби клубларда тўп сурган. Сўнгги жамоаси "Младость Лучани" таркибида 32 марта майдонга тушиб, рақиблар дарвозасини 3 марта ишғол қилишга эришди.
