«Пари Сен-Жермен»нинг испаниялик футболчи Серхио Рамос аргентиналик ҳужумчи Лионель Мессининг француз клубига ўтиши мумкинлиги ҳақида ўз фикрлари билан ўртоқлашди.
«Месси дунёнинг энг яхши ўйинчиларидан бири. Аммо, мен қарор қабул қилмайман. Фақатгина, бир нарсага ўз фикримни билдиришим мумкин, мен шунчаки дунёнинг энг яхши футболчилари билан тўп тепишни яхши кўраман. Леонинг Парижга келиши, бу клубнинг Европа майдонларида ғалаба қозониш имкониятини янада оширади», - дея Рамоснинг сўзларини келтиради «AS» нашри.
Эслатиб ўтамиз, 34 ёшли Месси ҳозирда эркин агент. «Барселона» аргентиналик билан янги шартнома имзолашга уринмоқда, аммо ҳозирча молиявий чекловлар туфайли буни уддалай олмаяпти.
