«RMC Sport» нашри журналисти Муҳаммад Бухафсининг хабар беришича, «Милан» клубининг собиқ дарвозабони Жанлуижи Доннарумма яқин кунларда «ПСЖ» билан шартнома имзолайди.
Манбанинг хабарига кўра, бугун, 14 июль куни италиялик кипер «ПСЖ» билан шартнома имзолаш учун Парижга учиб кетади. Қайд этилишича, келишувнинг барча тафсилотлари аллақачон келишиб олинган.
Шартномани имзолагандан сўнг, дарвозабон бир неча кун дам олади.
Эслатиб ўтамиз, Доннарумма «Милан» билан 30 июнь куни якунига этган шартномасини узайтирмади.
Ўтган мавсумда Доннарума А Серия доирасида «россонерилар» сафида 37 марта майдонга тушган. Шунингдек, кипер яқиннда Италия терма жамоаси билан Европа чемпионлигини қўлга киритди.
