Жанлуижи Доннарумма яқинда «Милан»ни тарк этди. Дарвозабон яқин вақт ичида «ПСЖ» билан шартнома имзолаши керак. Италиялик посбон Instagram’даги саҳифасида мухлисларига хайрлашув хатини ёзди.

«Танлаш баъзан қийин бўлади, лекин бу ривожланишнинг бир қисми. ‘Милан’га ўсмирлигимда келганман. Саккиз йилдан бери ушбу клуб либосини фахр билан кияман. Биз футболчилар, мураббийлар, клубда бўлганларнинг ҳаммаси ва албатта, мен кўп йиллар давомида оила деб билган жамоанинг ажралмас қисми бўлган мухлислар билан биргаликда курашдик, азобландик, муваффақият қозондик, йиғладик ва зафарларни нишонладик. Шунингдек, шахсий ютуқларга эришдим, масалан, А Серияда 16 ёшимда дебют қилганман. Буни ҳеч қачон унутмайман.

Энди хайрлашиш вақти келди. Бу осон танлов бўлмаган ва, албатта, бу хат буни тушунтириш учун етарли эмас. Мен буни ҳеч қачон тушунтира олмайман, чунки энг чуқур туйғуларни сўз билан ифодалаш мумкин эмас. Баъзан йўлни ўзгартириш, янги муаммоларни бошдан кечириш ва янада мукаммал бўлиш учун тўғри танлов деб айтишим мумкин. Мен клубда дастлабки кундан бошлаб сўнгги кунгача учрашган барча инсон мени бугунги Доннаруммуга айлантирган ҳаёт йўлининг муҳим қисми сифатида юрагимда абадий сақланиб қолади.

Ушбу рангларга бўлган муҳаббатим туфайли ‘Милан’га чин юракдан муваффақиятлар тилайман. Бу туйғуларни бирон бир масофа ва йиллар унуттира олмайди», — деб ёзган Доннарумма.‌‌