Испаниянинг "El Confidencial" нашри «Реал» президенти Флорентино Переснинг Криштиану Роналду ва Жозе Моуриньони ҳақорат қилган баёнотлари билан янги аудиоёзувларни эълон қилди.
"Роналду ақлдан озган касал йигит. Сиз уни нормал инсон деб ўйлайсиз. Аслида, у бундай эмас. Шундай бўлганда у бу каби ишларни қилмас эди.
Роналду қилган ишларни бутун дунё кўрди. Нима учун у бундай аҳмоқона ишлар қилади деб ўйлайсиз? дейди Перес аудиоёзувда.
Эслатиб ўтамиз, Роналду 2012 йилда "Гранада"га қарши баҳсдан сўнг голларни нишонламаслигини ва Мадрид клубида ўзини баҳтсиз ҳис қилаётганини таъкидлаб ўтган эди. Перес шу сабабли уни аҳмоқ деб атаган.
Шунингдек, у Моуриньо ва Криштиануни бадфеълликда ҳам айблаган:
"Моуриньо ва Роналду даҳшатли эголари бор йигитлар. Улар иккаласи ҳам ҳақиқатни кўрмаяпти. Агар, улар бошқача бўлишганида бундан ҳам кўпроқ пул ишлашлари мумкин эди. Гап кўп пул ҳақида кетмоқда, чунки бу имиж ҳуқуқлари. Уларда ҳеч кимга ёқмайдиган ўзини тутиш услуби бор. Бу рекламага қарши"! - дея таъкидлаган, Перес 2012 йилги аудиоёзувда.
