UFC президенти Дана Уайт Конор Макгрегор операциядан сўнг касалхонани тарк этганини айтди. Бу ҳақда «МатчТВ» хабар берди.
UFC президенти Дана Уайт Конор Макгрегорнинг оёқ суяги синганлиги сабабли операция қилинганидан сўнг касалхонадан чиққанини маълум қилди. Ирландиялик спортчи UFC 264 тоифасида Дастин Порьега қарши жангда жароҳат олди.
«Унга касалхонадан тахминан 10–15 дақиқа олдин рухсат берди. Конор бир муддат Лос-Анжелесда бўлади. Кейин уйга учиб кетадими-йўқми, буни билмайман. У бир йилдан кейин қайтиб келади», — деди UFC президенти.
Макгрегор фаолияти давомида иккинчи марта Порьега ютқазди. Уларнинг дастлабки жанги 2014 йилда бўлиб ўтган, ўшанда ирландиялик спортчи биринчи раунддаёқ нокаут эвазига ғалабани нишонлаган. 2021 йил январда Порье Конорни иккинчи раундда нокаутга учратганди.
