Яримҳимоячи Мануэль Локателли «Сассуоло»ни тарк этиши мумкин.
Журналист Николо Скиранинг ёзишича, 23 ёшли футболчи «Ювентус» билан шахсий шартнома борасида келишувга эришди. Битим 2026 йилгача мўлжалланган. Маош — йилига 3 млн евро.
Турин клуби тез орада трансферни якунлашни мақсад қилган. «Сассуоло» ҳавбек учун 40 млн евро олмоқчи.
Шунингдек, «Сассуоло»да Локателли борасида «Арсенал» ва «Боруссия» Дортмунддан ҳам таклиф бор. Футболчининг ўзи «Юве»га ўтишни хоҳламоқда.
Италиялик футболчи ўтган мавсумда А Серияда 34та ўйин ўтказиб, 4та гол урган. Шунингдек, у Евро-2020да 2та тўп киритди ва миллий жамоа билан чемпионга айланди.
