«Челси» форварди Оливье Жиру тез орада расман Италиянинг «Милан» клуби футболчисига айланади. Фабрицио Романо хабарига кўра, Жирунинг Милан шаҳри бош жамоаси билан шартномаси икки йилга мўлжалланади.
Хабарингиз бор, сўнгги мавсумда Жиру «Челси» таркибида у қадар фойдали ўйин кўрсата олмади. У ўтган мавсумда «кўклар» билан бирга Чемпионлар Лигасини ютишга муваффақ бўлди. Шунингдек, Жиру ҳисобида Премер-лиганинг тўртта голи мавжуд.
«Челси»га Жирунинг трансферидан атиги икки миллион евро тегиши кутилмоқда.
