Каталониянинг «Барселона» клуби «Тоттенхэм»нинг аргентиналик ярим ҳимоячиси Жованни Ло Чельсо хизматига қизиқиш билдирмоқда. Бу ҳақда «Fichajes» портали хабар бермоқда.

Манбага кўра, «Барселона» аргентиналик футболчини молиявий муаммоларга қарамай сотиб олмоқчи.

Таъкидланишича, Жоржиньо Вейналдумнинг трансфери муваффақиятсиз тугагандан сўнг, Рональд Куман Ло Чельсони жамоага таклиф қилмоқчи.

Жованни ўтган мавсумда «Тоттенхэм» таркибида 28 та ўйин ўтказди. Мазкур баҳсларда 5 та гол ва битта голли узатмани амалга оширди.
Футболчининг Лондон клуби билан шартномаси 2025 йилгача амал қилади. Трансфермаркт портали хабарига кўра, ўйинчининг тахминий қиймати 27 миллион еврони ташкил қилади.