«Реал Сосьедад» дарвозабони Алекс Ремирога «Барселона» қизиқиш билдирмоқда. «Sport» нашрининг хабар беришича, «Барса» Нето кетмоқчи бўлганидан кейин дарвозабон позициясини кучайтиришни мақсад қилган. «Кўк-анорранглилар» раҳбарияти Марк-Андре тер Штегенга ўринбосар сифатида Иньяки Пеньюни кўрмоқда. Аммо клуб «Сосьедад»нинг 26 ёшли дарвозабони Ремиро билан ҳам қизиқмоқда. Унинг амалдаги клуби билан шартномаси 2023-йилда тугайди. «Барселона» мазкур трансферга шошилмаяпти ва келишувни кейинги ёзга қолдириши ҳам мумкин.
Ремиро «Реал Сосьедад»га «Атлетик»дан эркин агент сифатида қўшилган. Каталонияликлар дарвозабоннинг ёши ва эпчиллигига қойил қолишган, аммо Тер Штеген жамоанинг биринчи дарвозабони бўлиб қолиши аниқ.
