Айни дам «Вест Хем»да фаолият олиб бораётган Жесси Лингард фаолиятини Испанияда давом эттириши мумкин.
Лингардни сотиб олишга «Атлетико» қизиқмоқда. Бу ҳақда 90min ўз манбаларига асосланиб хабар беради.
«Манкунианлар» футболчиси билан хайрлашишга тайёр ва шу ўринда Жессининг ўзи ҳам Англиядан ташқарида фаолиятини давом эттириш фикрига қарши эмас.
«Манчестер Юнайтед» футболчининг сотилишидан камида 25 миллион фунт стерлинг ишлаб олмоқчи. Лингард ўтган мавсумда «Вест Хем» сафида ижарада ўйнади, аммо «болғачилар»нинг 28 ёшли ярим ҳимоячини сотиб олиш имконияти камроқ.