2022/23 йилги мавсумдан бошлаб Италия чемпионатидаги жамоалар яшил либосда ўйнай олмайди. Бу ҳақда «Sportmail.ru» хабар берди.
Ушбу ўзгартириш мусобақа регламентига киритилди.
Қоидаларнинг ушбу банди, биринчи навбатда, яшил форма майсазор билан бирлашиб кетишидан қўрқадиган телекомпанияларнинг талабига биноан қабул қилингани кўрсатилган. Ўзгаришлар клубларга тайёргарлик кўриш имкониятини бериш учун олдиндан эълон қилинганди.
Ўтган мавсумда «Лацио» яшил рангдаги захира либосига эга эди. Ушбу қарор асосий либоси яшил ва қора чизиқлардан иборат бўлган «Сассуоло»га қандай таъсир қилиши ҳали маълум эмас.
