Испаниянинг «Marca» газетасига обуна бўлмасам ҳам доимий кузатиб бораман. Бу газетанинг муқовасида ғалати-ғалати мавзулар чиқади, кўрган одам беихтиёр «вой, энам» деб юборганини билмай қолади.

Газетанинг бугунги муоқовасида «Ҳа, бу Моу» деган сарлавҳа пайдо бўлди. Ичкарида эса Моуриньонинг футболчилик фаолиятига доир суратлари берилган.

Газета 7 йилда тўртта фарқли клубда — «Риу Ави»(1980-82), «Белененсиш»(1982-83), «Сезимбра»(1983-85),  «Комерсиу и Индустрия»(1982-83) клубларида тўп сурган Жозе Моуриньонинг «Ўта ақлли  инсонман. Футболчиликда косам оқармаслигини билардим. Менинг савиям иккинчи лига эди», деган гапларини эслатган.

Газетада шунингдек, профессионал фаолияти давомида 94 та ўйинда майдонга тушиб, 15 та гол киритган Моуриньони «Белененсиш» ва «Вила Франса» клублари ўртасидаги кубок баҳсида «хет-трик»ка эришганини ҳам эслатилган. Ўйин 17-0 ҳисобида якунланган экан.