Карло Анчелотти ОАВ учун Мадрид клубидаги вазиятни таҳлил қилди. Италиялик мутахассис мавсумолди машғулотлардаги фаолияти ва жамоасидан нима талаб қилгани ҳақида гапирди.
Талаблар ҳақида
«Биз ушбу клубнинг тарихини ҳисобга олишимиз керак. Жамоа яхши ўйнаши, майдонда ўз савиясини кўрсатиши керак. Биз ажойиб футболни кўрсатишимиз, тўпга кўпроқ эгалик қилиш билан ўйнашимиз
керак - бу бугунги кун талабидир: ритм, тўп билан ва тўпсиз ўйин ҳозирги пайтдаги футболнинг асосий қисмидир»
Жамоа ҳақида
«Ўтган 10 кун ичида биз кўп ишларни амалга оширдик. Жамоа жуда кўп машқ қилди, биз жисмоний, техник ва тактик ишларни бирлаштирамиз.
Футболчилар жуда яхши ҳаракат қилишмоқда. Мен ёш футболчиларнинг жуда юқори савиясини ва тажрибали ўйинчиларни уларга ёрдам бераётганини кўрдим. Ушбу ҳолат менга жуда ёқади:
Аввал, мен кўпчиликни яхши билмас эдим. Карвахал, Марсело, Начо, Лукас
Васкес ва Иско каби футболчиларнинг фидойилиги - йиллар давомида улар жамоа билан ҳамма нарсани ютишди, аммо улар ҳали ҳам тўла олдинга боришни ва барчамиз хоҳлаганидек ажойиб мавсумни ўтказишни хоҳлайди»
Давид Алаб ҳақида
«Бу жуда юқори даражадаги ўйинчи. Бундан ташқари, Алаба ҳимоя тактикасини жуда
яхши билади. «Бавария»да у яқингача марказий ҳимоячи сифатида ўйнади ва буни жуда
ишончли амалга оширди. У чап қанотда ҳам ўйнаган.
Мазкур жойда ҳам ўзига яраша тажрибали. Худди Австрия терма жамоаси билан бўлганидек, Алаба икки позицияда ҳам ўйнаши мумкин. Майдон марказида ва чап қанотда. Шубҳасиз, Алаба мавсумни яхши ўтказишига ишонаман»
Жамшиджон Маҳмудов тайёрлади
