Karlo Anchelotti OAV uchun Madrid klubidagi vaziyatni tahlil qildi. Italiyalik mutaxassis mavsumoldi mashg‘ulotlardagi faoliyati va jamoasidan nima talab qilgani haqida gapirdi.
Talablar haqida
«Biz ushbu klubning tarixini hisobga olishimiz kerak. Jamoa yaxshi o‘ynashi, maydonda o‘z saviyasini ko‘rsatishi kerak. Biz ajoyib futbolni ko‘rsatishimiz, to‘pga ko‘proq egalik qilish bilan o‘ynashimiz
kerak - bu bugungi kun talabidir: ritm, to‘p bilan va to‘psiz o‘yin hozirgi paytdagi futbolning asosiy qismidir»
Jamoa haqida
«O‘tgan 10 kun ichida biz ko‘p ishlarni amalga oshirdik. Jamoa juda ko‘p mashq qildi, biz jismoniy, texnik va taktik ishlarni birlashtiramiz.
Futbolchilar juda yaxshi harakat qilishmoqda. Men yosh futbolchilarning juda yuqori saviyasini va tajribali o‘yinchilarni ularga yordam berayotganini ko‘rdim. Ushbu holat menga juda yoqadi:
Avval, men ko‘pchilikni yaxshi bilmas edim. Karvaxal, Marselo, Nacho, Lukas
Vaskes va Isko kabi futbolchilarning fidoyiligi - yillar davomida ular jamoa bilan hamma narsani yutishdi, ammo ular hali ham to‘la oldinga borishni va barchamiz xohlaganidek ajoyib mavsumni o‘tkazishni xohlaydi»
David Alab haqida
«Bu juda yuqori darajadagi o‘yinchi. Bundan tashqari, Alaba himoya taktikasini juda
yaxshi biladi. «Bavariya»da u yaqingacha markaziy himoyachi sifatida o‘ynadi va buni juda
ishonchli amalga oshirdi. U chap qanotda ham o‘ynagan.
Mazkur joyda ham o‘ziga yarasha tajribali. Xuddi Avstriya terma jamoasi bilan bo‘lganidek, Alaba ikki pozisiyada ham o‘ynashi mumkin. Maydon markazida va chap qanotda. Shubhasiz, Alaba mavsumni yaxshi o‘tkazishiga ishonaman»
Jamshidjon Mahmudov tayyorladi
