«Барселона» вингер Усман Дембеле билан шартномани узайтирмоқчи. Бу ҳақида «Sport.es» нашри хабар бермоқда. Аммо, каталонияликлар футболчига маошини пасайтириш шарти билан янги шартнома таклиф қилишлари мумкин. Клубда футболчининг маошини ошириш имконияти йўқ.
Дембеленинг «Барселона» билан шартномаси тугашига 1 йил қолди. Аввалига каталонияликлар французни сотмоқчи эдилар, аммо энди унинг жиддий жароҳати туфайли буни имконсиз деб ҳисобламоқда. Энди «кўк-анорранглилар» кейинги йилда футболчини эркин агент сифатида қўйиб юбормаслик учун футболчи билан шартномани узайтирмоқчи.
Эслатиб ўтамиз, «Барселона» футболчини 135 миллион евро эвазига «Боруссия Д» клубидан сотиб олган.
