«Тоттенхэм» ҳужумчиси Ҳарри Кейннинг келажаги ноаниқлигича қолмоқда.

«The Athletic» нашри хабарига кўра, нафақат «Манчестер Сити», балки «Челси» ҳам 27 ёшли ҳужумчини ўз сафига қўшиб олишни мақсад қилган. Лондон клуби асл Кейннинг нияти нима эканлигини аниқламоқчи.

Трансферлар бозоридаги манбаларнинг таъкидлашича, «Тоттенхэм» президенти Даниэль Леви Ҳаррини «Челси»га сотиш вариантини «Ман Сити»га қараганда яхшироқ деб ўйламоқда, чунки ушбу шартномага Тэмми Абрахамнинг киритилиши «шаҳарликлар» таклифидан яхшироқ кўринмоқда.

«Челси» ҳали Кейн учун аниқ таклиф билан чиқмади. Шунингдек, «Тоттенхэм» академиясидан чиққан Кейн Лондоннинг бошқа клубига ўтишга рози бўладими ёки йўқми номаълум.