Журналист Фабрицио Романонинг сўзларига кўра, «Реал» марказий ҳимоячиси Рафаэл Варан бу ёзда жамоасини ўзгартириши деярли аниқ бўлди.
28 ёшли француз учун «МЮ» асосий фаворит бўлиб турибди. Инглизлар яқинда «қаймоқранглилар» билан келишувга эришса, Рафага 2026 йилгача мўлжалланган шартнома таклиф қилинади.
Хабар қилинишича, Варан «Реал»га ўз ҳурматини бажо келтиради ва жамоадан муносиб равишда кетиш учун клубга ультиматум қўймайди.
Ўтган мавсумда француз АПЛнинг 31 учрашувида майдонга тушиб, 2 та гол уришга эришди.
