«Тоттенҳэм» директори Кит Миллс Ҳарри Реднаппнинг Англия терма жамоасини бошқариши мумкинлиги ҳақидаги хабарга ўз муносабатини билдириб ўтди.

«Ҳарри қарор қабул қилмоғи керак — термани бошқарадими ёки клубда қоладими. умуман олганда эса, аминманки, Ҳарри терма жамоа мураббийлиги усун ягона номзод эмас. Бу ҳолат бўйича бизнинг позитсиямиз аниқ ва равшан: биз ҳаммамиз — мухлислар, футболчилар, мураббийлар штаби ҳамда клуб раҳбарияти — Реднапп «Тоттенҳэм»да қолишини истаймиз».

«Ўйлашимча, терма ҳамда клубни бир вақтнинг ўзида бошқариш — жуда қийин иш. Воқеалар ривожининг ушбу варианти бизни қониқтирмаган бўлар эди. Клуб мураббийи фақатгина клуб ҳақида ўйлаши ва бошқа ишга чалғимаслиги лозим».

«Менимча, мавсум сўнгига қадар Капелло ўрнига вақтинча кимнидир қўйиб туришади ва шундан сўгнгина узоқ муддат фаолият юритадиган мураббийни таклиф қилиш ҳақида қарор қабул қилишади. «Тоттенҳэм» мавсум ўртасида  бош мураббийни қўйиб юборишни истамайди. Ҳаррининг ўзи ҳам, тахминимча, ҳозир кетишни истамаса керак. Аммо мавсум якунлангач ҳаммаси ўзгариб кетиши мумкин», — дея унинг сўзларини BBC келтирмоқда.