Берлиннинг «Унион» клуби «Ливерпул»нинг нигериялик ҳужумчиси Тайво Авоньи трансферини эълон қилди.

Футболчининг трансфер суммаси немисларга 7,5 миллион еврога тушди. Бироқ шартноманинг шахсий баъзи шартлари ҳали ошкор қилинмади.

Ўтган мавсумда 23 ёшли нигериялик «Унион»да ижарада ўйнади ва клуби таркибида 22 та ўйин ўтказиб, бешта гол урган ва тўртта голли пас берган.

Авоньи «Ливерпул»га 2015 йилда 1,1 миллион евро эвазига қўшилганди. Бироқ, у инглиз клуби таркибида битта ҳам ўйин ўтказмади. У "Франкфурт", НЕК, "Мускрон", "Гент" ҳамда "Майнц" каби клубларга ижарага берилган.