«Барcелона» президенти Жоан Лапорта жамоа форварди Антуан Гризманнинг келажаги ҳақида гапирди.
«Гризманн - "Барселона" футболчиси, аммо сўнгги ҳафталарда трансфер бозорида бироз фаоллик бўлганини инкор этиб бўлмайди. Клублар унга қизиқиш билдирмоқда, чунки у жаҳон даражасидаги ўйинчи.
Бозор деярли қимирламади. Клублар муайян қийинчиликларни бошдан кечирмоқда. Гризманнга қизиқиш бор ва биз молиявий ҳолатни инобатга олиб, жамоани тузмоқдамиз. Бизда Антуан билан ҳеч қандай муаммо йўқ. Ундан мамнунмиз, аммо шу билан бирга барча таклифларга очиқмиз, чунки ҳозир нозик бир дақиқани бошдан кечирмоқдамиз ва фейр-плей қоидаларига амал қилишимиз керак. Биз жамоага зарар келтирмайдиган барча вариантларни кўриб чиқишга тайёрмиз », - деди Лапорта.
