Тошкент вилоятининг АГМК жамоаси Ўзбекистон Суперлигасининг биринчи даврасида «Андижон» жамоасида тўп тепган италиялик футболчи Мартин Боаке билан шартнома имзолади. Бу ҳақида ЎзПФЛ матбуот хизмати хабар бермоқда. Шартнома 2022-йилнинг 1-декабригача амал қилади.
Футболчи 1-даврада «Андижон» таркибида 12 учрашувда майдонга тушиб, ўз ҳисобига 2 гол ёздириб қўйган.
Мартин Боаке 1995 йили 10 февралда Италиянинг Валдарно шаҳарчасида туғилган. Амплуаси ҳужумчи. Мартин профессионал фаолиятини Австриянинг "Китцбюхель" жамоасида бошлаган. Шунингдек, футболчи Австриянинг "Хоэнемс" ҳамда Люксембургнинг "Женесс" ва Хорватиянинг "Славен" жамоаларида самарали ўйнаган.
Мартин Боаке профессионал фаолиятида жами 139 ўйин ўтказган ва 55 маротаба гол урган.
Мартин Боаке АГМК футбол клуби билан 6 ой + 1 йиллик кўринишида шартнома имзолади.
Боаке АГМК жамоасида 72-рақамни танлади.
Мартин Боакенинг ўйнаган жамоалари:
"Китцбюхель" (2015-2016, 2017-2019) - 72 ўйин, 33 гол
"Хоэнемс" (2016-2017) - 28 ўйин, 9 гол
"Женесс" (2019-2020) - 16 ўйин, 8 гол
"Славен" (2020) - 11 ўйин, 3 гол
"Андижон" (2021) - 12 ўйин, 2 гол
АГМК (2021-...)
