Toshkent viloyatining AGMK jamoasi O‘zbekiston Superligasining birinchi davrasida «Andijon» jamoasida to‘p tepgan italiyalik futbolchi Martin Boake bilan shartnoma imzoladi. Bu haqida O‘zPFL matbuot xizmati xabar bermoqda. Shartnoma 2022-yilning 1-dekabrigacha amal qiladi.
Futbolchi 1-davrada «Andijon» tarkibida 12 uchrashuvda maydonga tushib, o‘z hisobiga 2 gol yozdirib qo‘ygan.
Martin Boake 1995 yili 10 fevralda Italiyaning Valdarno shaharchasida tug‘ilgan. Ampluasi hujumchi. Martin professional faoliyatini Avstriyaning "Kitsbyuxel" jamoasida boshlagan. Shuningdek, futbolchi Avstriyaning "Xoenems" hamda Lyuksemburgning "Jeness" va Xorvatiyaning "Slaven" jamoalarida samarali o‘ynagan.
Martin Boake professional faoliyatida jami 139 o‘yin o‘tkazgan va 55 marotaba gol urgan.
Martin Boake AGMK futbol klubi bilan 6 oy + 1 yillik ko‘rinishida shartnoma imzoladi.
Boake AGMK jamoasida 72-raqamni tanladi.
Martin Boakening o‘ynagan jamoalari:
"Kitsbyuxel" (2015-2016, 2017-2019) - 72 o‘yin, 33 gol
"Xoenems" (2016-2017) - 28 o‘yin, 9 gol
"Jeness" (2019-2020) - 16 o‘yin, 8 gol
"Slaven" (2020) - 11 o‘yin, 3 gol
"Andijon" (2021) - 12 o‘yin, 2 gol
AGMK (2021-...)
