"Барселона" ярим ҳимоячиси Миралем Пьянич "Ювентус"га қайтиши мумкин.
Diario Sport нашрининг хабар беришича, босниялик футболчи бир йиллик ижара асосида "Юве"га ўтмоқчи. Қайд этилишича, музокаралар муваффақиятли якунланган тақдирда футболчининг маоши камаяди ва шартномани яна бир мавсумга узайтириш имконияти тўғрисидаги банд ҳам киритилади. Пьяничнинг ўзи Рональд Куманнинг янги мавсумдаги режаларига киритилмаганлигини тушунади ва ойлигини камайтиришга рози бўлиб, жамоани тезроқ тарк этишни хоҳламоқда.
Пьянич олдин ҳам "Ювентус"да ўйнаган. Футболчи туринликлар сафида 178 учрашув ўтказган, 22 гол урган ва 41 голли пас берган.
