Велоспортчимиз Муроджон Холмуродов ҳам Токио-2020 Олимпия ўйинларидаги иштирокини якунлади. Ҳамюртимиз шосседаги гуруҳ пойгасида муносиб рақобат олиб борди.

Регламентга кўра, пойга тоғли ва текис йўллардан иборат 234 км масофада ўтказилди. 130 нафарга яқин спортчи стартга чиққан беллашувда вакилимиз 64-бўлиб маррага етиб келди. Қайд этиш жоиз, иштирокчиларнинг ярми ушбу пойгада финишга етиб кела олмади.

Велошоссе, гуруҳ пойгаси. 234 км

Эркаклар:

1. Ричард Карапас (Эквадор) – 6:05.26
2. Воут ван Арт (Белгия) – 6:06.33
3. Тадей Погачар (Словения) – 6:06.33