"Манчестер Юнайтед" клуби билан шартномасини узайтирган Сульшер ўз фикрлари билан ўртоқлашди.
«Ҳамма менинг ушбу клубга бўлган муносабатимни билади. Мен янги шартнома имзолаганимдан хурсандман. Биз ёшлик ва тажриба мувозанатига мос композиция қурдик. Футболчиларимиз муваффақиятга чанқоқ.
Менда ажойиб мураббийлар штаби бор, барчамиз сафаримиздаги кейинги қадамга тайёрмиз. «Манчестер Юнайтед» энг катта ва энг яхши совринларни ютишни хоҳламоқда. Биз ҳаммамиз шу нарсага интиламиз. Майдонда ҳам, ташқарида ҳам яхшироқ бўлдик. Келгуси мавсумларда ҳам ривожланишда давом этамиз", - деди Сульшер