Испания терма жамоасини бошқараётган мутахассис Висенте дел Боске бу жамоа унинг фаолиятидаги сўнгиси бўлишини маълум қилди, дея хабар бермоқда испан матбуотига асосланиб championat.com хабар бермоқда.
Хабарингиз бор, испанлар айнан унинг мураббийлиги остида жаҳон чемпионлигини қўлга киритишган эди.
«Ҳозир эгаллаб турган лавозимимдан кетгач, мураббийлик фаолияти билан бошқа шуғулланмайман. Мадриднинг «Реал»ида ҳам ишламайман. Айримлар Моуриньо кетиши ҳақидаги хабарлар чиққач, Испания Футбол Федерацияси билан шартномамни бекор қилишга уринаётганим ҳақида гаплар тарқатяпти. Бироқ, бу гаплар ҳақиқатдан буткул йироқ», — дейди дел Боске.
