«Челси» ҳужумчиси Кристиан Пулишич Премьер-лиганинг 2021/22-йилги мавсумига бўлган тахминлар ҳақида гапирди.
«Мен мавсум бошланишини сабрсизлик билан кутяпман. Бу йил мен «Челси»да мавсумолди дастлабки тўлиқ машғулотимни ўтказдим. Мавсум бошланишидан олдин яхши формада бўлиш имкониятига эга бўлмоқдаман. Менимча, айни пайтда жамоа яхши кўринишга эга. Энди бор эътиборимизни янги мавсумга тайёргарликни тўғри якунланишига қаратишимиз керак», - дея Пулишичнинг сўзларини келтиради «Челси» матбуот хизмати.
Англия чемпионатининг янги мавсуми 13 августда бошланади.